Armáin ag Leibhéal Complachta

In Airm na hÉireann is éard is complacht ann ná aonad coisithe ar a dtugtar Complacht Muscaed uaireanta. Tá an Complacht Muscaed faoi cheannas Ceannfoirt agus tá sé comhdhéanta de 3 Buíon Mhuscaed agus Buíon Armán. Tá an Buíon Armán comhdhéanta de rannóg GPMG SF, rannóg moirtéir 60mm agus rannóg Fritanc 84mm, agus tá 3 dhíorma i ngach rannóg.

GPMG SF

Úsáidtear an tInnealghunna Ilchuspóireach (GPMG) agus é in úsáid sa ról Lámhach Marthanach (SF) m.sh ar sheastán tríchosach, mar Innealghunna meánaigh (MMG) chun tacú leis an gcomplacht in oibríochtaí ollionsaitheacha agus cosantacha, agus le linn aistarraingthe. Tá an GPMG SF an-éifeachtach sa ról sin, agus is féidir leis poncthargaid atá 1800 méadar uaidh a bhualadh go cruinn nó lámhach a sholáthar ar limistéar. Áirítear ar an triúr criú gunnadóir, lódálaí agus ceannasaí díorma. Úsáidtear treoir C2AI an armáin i gcomhar le cuaille díríochta le deis a thabhairt don chriú tabhairt faoi thargaidí nach bhfuil siad in ann a fheiceáil mar gheall ar cheo, deatach nó dorchadas. Cinntíonn an córas seo gur féidir brath ar an GPMG SF chun tacú le trúpaí le linn oibríochtaí san oíche. Tá sé éadrom go leor agus ciallaíonn sé sin gur féidir le criú le triúr fear an t-armán agus lón lámhaigh a iompar go mear agus iad ag dul i mbun comhraic.

Moirtéir 60mm

Rinneadh an moirtéar 60 mm Denel Vektor M1 a dhearadh i gcomhair a úsáidte ag aonaid choisithe i ngach céim cogaidh. Is armán cró mhín, béal-lódáilte, arduillinn lámhaigh atá ann. Iompraítear an moirtéar in aon aonad amháin, le trí phríomhaonad cóimeála; an bairille, an déchosach agus an pláta boinn. Ó tharla nach bhfuil ach 17.8 Kg de mheáchan ann, is féidir an moirtéar a bhogadh go gasta agus go héasca, rud a chinntíonn tacaíocht ag gach céim chomhraic. Tá treoir nua-aoiseach ag an moirtéar, atá cosúil le treoir an C2AI, a úsáidtear in éineacht leis an moirtéar 81 mm. Chomh maith leis sin, tá an treoir seo comhoiriúnach le córas rialaithe lámhaigh Morfire, a bhíonn in úsáid in éineacht leis an moirtéar 81 mm chomh maith. Is féidir an moirtéar a scaoileadh i ról “commando” chomh maith ach an déchosach agus an pláta boinn a bhaint de agus pláta beag boinn speisialta a chur leis, mar aon le haonaid aimsithe/ greim láimhe. Déantar an raon pleanáilte a mhéadú suas le 2100 sa ghnáthról.

Gunna Fritanc 84mm

Armán craoslódáilte le lámhach forbhuailte is ea an gunna fritanc 84 mm. Níl athchasadh ar bith ann, toisc nach gcuirtear suas an brú sa bhairille, ach go n-éalaíonn i dtreo a chúil, tríd na polláin. Is féidir an gunna a scaoileadh i suíomh ar bith, i do shuí, ar do ghlúin, i do sheasamh nó i do luí. Tugann seastán gunna a choinnítear i mbois gualainn an mhuscaeid tacaíocht don gunna i suíomh luite agus is féidir é a úsáid lena dhaingniú in aghaidh cléibhe i ngach suíomh eile. Toisc nach mbaineann athchasadh ar bith leis, is éadroime mar armán é ná gunna le gnáthchraos ann.