Iar-mhisin thar lear

Féach ar an liosta iomlán thíos maidir lenár rannpháirtíocht in oibríochtaí thar lear san am a caitheadh.

An Eoraip

De bharr gur thit Iar-Aontas na bPoblachtaí Sóivéadacha Sóisialacha (USSR) óna chéile agus gur tháinig náisiúnachas chun cinn arís bhí gá le fórsaí síochánaíochta a imscaradh in áiteanna i Lár agus in Oirthear na hEorpa. Mar thoradh air sin chuir Éire pearsanra míleata ar fáil, ní amháin do na Náisiúin Aontaithe, ach freisin don Aontas Eorpach (EU) ar a tugadh an Comhphobal Eorpach (EC) tráth, agus don Eagraíocht um Shlándáil agus Chomhar san Eoraip (OSCE).

Misin san Meán-Oirthir

Ó na laethanta luatha bhí baint ag na NA leis an gcoimhlint Arabach-Iosraelach sa Mheánoirthear. Ó bhí 1948 ann bhí cúig chogadh a raibh baint dhíreach acu leis an gcoimhlint seo, agus tháinig cúig oibríocht síochánaíochta de chuid na NA chun cinn dá bharr. Bhí níos mó cogaíochta ar siúl sa réigiún ná an choimhlint Arabach-Iosraelach, áfach. Lean tuilleadh oibríochtaí síochánaíochta sa réigiún seo as cogaíocht a bhris amach idir an Iaráin agus an Iaráic ó 1980 go dtí 1988, agus idir an Iaráic agus Cuáit in 1991.

Meiriceá Láir

Go luath sna 1990idí chomhoibrigh na Náisiúin Aontaithe (UN) le hEagraíocht na Stát Meiriceánach (OAS) chun deireadh a chur le coimhlint fhoréigneach i Meiriceá Láir. Chomhaontaigh comhaltaí réigiúnacha den OAS, as a stuaim féin, sraith ghinearálta de spriocanna idirmheánacha ar an mbealach chun na síochána sa réigiún. An chéad bhaint a bhí ag Éire leis ná le misean ONUCA sa bhliain 1989.

An Afraic

San Aifric i 1960 a chuir Óglaigh na hÉireann tús le seirbhís thar lear. Buaicphointe i stair Óglaigh na hÉireann a bhí ann.

An Áise

Sa bhliain 1962 a chuir Óglaigh na hÉireann tús lena rannpháirtíocht i seirbhís thar lear san Áise, nuair a cuireadh beirt Oifigeach mar bhreathnóirí go dtí Iarthar Irian (an chuid thiar den Nua-Ghuine).