Dalta Ordanáis an Airm
Bunaíodh Cór Ordanáis an Airm den chéad uair mar eintiteas ar leith i mí na Bealtaine 1922. Tá ról oibríochtúil agus lóistíochta ag an gCór Ordanáis laistigh d'Óglaigh na hÉireann. Is é an ról lóistíochta tacaíocht theicniúil a sholáthar i soláthar, stóráil, dáileadh, cigireacht, cothabháil, deisiú agus diúscairt gach mír Ordanáis.
DALTA ORDANÁIS SAN ARM
Cuireadh Cór Ordanáis an Airm ar bun mar eintiteas ann féin den chéad uair i mí Bealtaine 1922. Tá ról oibriúcháin agus ról lóistíochta leis an gCór Ordanáis in Óglaigh na hÉireann. Is é a bhaineann leis an ról lóistíochta cúnamh taca teicniúil a chur ar fáil maidir le gach mír Ordanáis a Sholáthar, a Stóráil, a Dháileadh, a Scrúdú, a Chothabháil, a Dheisiú agus a Dhiúscairt.
Is liosta fada fairsing an liosta den trealamh a bhainean le hOrdanás a bhíonn in úsáid in Óglaigh na hÉireann, lena n-áirítear Armlón, Trealamh Braiteoireachta & Cosanta CBRN, Ábhar Pléascaigh, Canbhás, Trealamh Amhairc Oíche & Acmhainní Íomhánna Teirmeacha, Éadach, Armúr, Trealamh Róbaitice, Airm Mhóra agus Éadroma, Túiríní & Córais Feistithe, Córais Armála an Chabhlaigh, Ionstraimí Rialáil Lámhaigh, Trealamh Lónadóireachta Machaire agus Córais Gleice & Samhlúcháin Oirbheartaíochta.
Cuireann an Cór Ordanáis freisin an t-aon tseirbhís Diúscartha maidir le hOrdanás Pléascaigh (DOP) sa stát ar fáil i gCabhair ar an gCumhacht Shibhialta agus déantar maoirseacht maidir le Bearta in aghaidh Feistí Pléascaigh Seiftithe a thabhairt chun cinn laistigh den eagraíocht.
An Dalta Ordanáis
Téann an Dalta Ordanáis faoin gcúrsa céanna traenála leis an Dalta Airm faoi mar a leagtar amach thuas. Ar an Daltas Ordanáis a chríochnú go sásúil, beidh an Dalta incheaptha ina Oifigeach Coimisiúnaithe i ngrád Leifteanaint, ar pá Ráta 2, sa Chór Ordanáis.
Beifear ag tnúth, ar a cheapadh sa Chór Ordanáis, go ndéanfaidh an tOifigeach Ordanáis Cúrsa na nOifigeach Sóisearach, tuairim is 12-15 mí, a chríochnú go sásúil sa Scoil Ordanáis i gCampa an Churaigh. Le linn a ré gairme, beidh deis freisin ag Oifigeach Ordanáis Céim Máistreachta (Leibhéal 9 sa Chreat Náisiúnta Cáilíochtaí) a dhéanamh i réimsí éagsúla léinn óna mbeadh sochar ag an eagraíocht.
Aon Oifigeach Ordanáis nach gcríochnaíonn Cúrsa na nOifigeach Sóisearach go sásúil, déanfar an tOifigeach sin a cheapadh i gCeapachán Oifigigh Líne, taobh amuigh den Chór Ordanáis, agus a chur ar ais ar pá Ráta 1, de réir mar a mholann an Leas-Cheann Foirne (Tacaíocht).
Cáilíochtaí
Féach le do thoil na coinníollacha oideachais faoi na téarmaí agus coinníollacha reatha