Ceapachán Cheann Foirne Óglaigh na hÉireann a aistriú
Preasráiteas – 16:50, Dé hAoine 23 Bealtaine 2025
Inniu, tionóladh searmanas i nDún Mhic Aodha chun aistriú ceapachán Cheann Foirne Óglaigh na hÉireann a cheiliúradh. D’aistrigh an Ceann Foirne, an Leifteanant-Ghinearál Seán Clancy, ceapachán Cheann Foirne Óglaigh na hÉireann chuig an gCeann Foirne ainmnithe, an Briogáidire-Ghinearál Rossa Mulcahy. Tiocfaidh an t-aistriú údaráis i bhfeidhm ón 1 Meitheamh 2025, nuair a ghlacfaidh an Leifteanant-Ghinearál Seán Clancy a cheapadh nua mar Chathaoirleach ar Choiste Míleata an Aontais Eorpaigh. D’fhreastail an Tánaiste agus an tAire Cosanta Simon Harris, baill de Bhord Óglaigh na hÉireann chomh maith le teaghlaigh an Leifteanant-Ghinearál Seán Clancy agus an Bhriogáidire-Ghinearál Rossa Mulcahy ar an searmanas.
TOA-Booklet-2025.docx (size 2.6 MB)
