Eadestown native reads Proclamation outsForógra léite ag duine de bhunadh Bhaile Éide taobh amuigh d’Ard-Oifig an Phoist mar chuid de chomóradh ar 107 bliain ó tharla Éirí Amach na Cásca 1916.
Bhí sé de phribhléid ag an gCaptaen Austin Doyle, duine de bhunadh Bhaile Éide, Co. Chill Dara gur roghnaíodh é chun Forógra na hÉireann a léamh le linn an chomórtha ar 107 bliain ó tharla Éirí Amach na Cásca Dé Domhnaigh an 9 Aibreán taobh amuigh d’Ard-Oifig an Phoist ar Shráid Uí Chonaill, Baile Átha Cliath. Le linn an chomórtha mháirseáil an Captaen Doyle chun tosaigh ó áirsí cáiliúla Ard-Oifig an Phoist chun an forógra a léamh don slua a bhí ag fanacht. I ndiaidh don Chaptaen Doyle an forógra a léamh, leag an tUachtarán Michael D Higgins bláthfhleasc in ómós dóibh sin go léir a bhásaigh.
Tá an Captaen Austin Doyle ar fáil chun agallamh a dhéanamh. Déan teagmháil leis an gCaptaen Kevin Kenny / an Leifteanant Eoin Clancy (Fón póca 087 6738395) má tá spéis agat.
Beathaisnéis
Sa bhliain 2016 a chuaigh an Captaen Austin Doyle isteach in Óglaigh na hÉireann agus is sa bhliain 2018 a coimisiúnaíodh é. Is i mBaile Éide, Co. Chill Dara a rugadh é agus is ansin atá sé fós ina chónaí in éineacht lena bhean chéile Louisa agus mac Conn atá dhá bhliain d’aois. D’imir sé rugbaí do Chumann Rugbaí an Náis agus chóitseáil sé rugbaí do Chumann Rugbaí na hÉireann agus é ina oifigeach pobail rugbaí sa chumann timpeall an Náis agus Iarthar Chill Mhantáin. D’imir sé peil freisin le CLG Bhaile Éide. Is feirmeoirí iad muintir an chaptaein Doyle agus tá beacha, sicíní agus muca acu. Tá sé fostaithe faoi láthair san Oifig Inmheánach Cumarsáide sa Bhrainse Caidrimh Phoiblí de Cheanncheathrú Óglaigh na hÉireann. D’fhóin sé thar lear ina thraenálaí ar Mhisean Traenála na hEorpa go Mailí sa bhliain 2019. Tá Céim Baitsiléara aige sa Staidéar Gnó (Ollscoil Teicneolaíochta Bhaile Átha Cliath) agus tá sé ag tabhairt faoi Mháistreacht sa Chumarsáid Pholaitíochta (Ollscoil Chathair Bhaile Átha Cliath) faoi láthair.