Eolas faoin Seirbhís Chabalaigh
Is í an tSeirbhís Chabhlaigh comhpháirt mhuirí acmhainneachta Cosanta an Stáit agus is í an phríomhghníomhaireacht mhuirghabhála sa Stát. Leasan sí na hÉireann a Chosaint ar farraige agus ón bhfarraige agus Línte Cumarsáide Mara na hÉireann, Iascaigh agus acmhainní eischósta a chosaint. Oibríonn an tSeirbhís Chabhlaigh i gcomhpháirt leis an Arm agus leis an Aerchór
Is í an tSeirbhís Chabhlaigh príomhghníomhaireacht farraige an Stáit agus tá freagracht ghinearálta uirthi freastal ar riachtanais chosanta muirí teagmhasacha agus iarbhír. Tá réimse rólanna cosanta agus róil eile leagtha síos di. I measc na róil chosanta tá cosaint farraigí críochacha, cosc a chur ar ghníomhartha ionracha nó ionsaitheacha, faireachas muirí a dhéanamh, láithreacht armtha cabhlaigh a choinneáil, ceart pasáiste a chinntiú, sócmhainní mara a chosaint agus cur le bac más gá. Caithfidh an tSeirbhís Chabhlaigh a bheith in ann tacú le hoibríochtaí an Airm trí ardú farraige agus tacaíocht chabhlaigh dhlúth.
Is iad na haonaid seo a leanas comhdhéanamh na Seirbhíse Cabhlaigh
Ceanncheathrú na Seirbhíse Cabhlaigh
Tá Ceanncheathrú na Seirbhíse Cabhlaigh (NHQ) suite i gcomhar le Ceannas Oibríochtaí Cabhlaigh agus Ceannas Tacaíochta Cabhlaigh ar Oileán Haulbowline i gCuan Chorcaí. Oibríonn an Bratoifigeach i gCeannas na Seirbhíse Cabhlaigh (FOCNS), a bhfuil céim Ceannasaí aige, ón NHQ.
Ceannasaíocht Oibríochtaí Cabhlaigh
Tá sé de chúram ar Cheannasaíocht Oibríochtaí Cabhlaigh na hoibríochtaí uile a dhéanamh ar snámh agus i dtír ag an tSeirbhís Chabhlaigh, lena n-áirítear oibríochtaí longa na Seirbhíse Cabhlaigh. Tá an tOifigeach i gCeannas Cheannasaíocht Oibríochtaí Cabhlaigh (OCNOC), a thuairiscíonn do FOCNS, i gceannas ar acmhainní oibríochtúla na Seirbhíse Cabhlaigh ar snámh agus i dtír araon.
Ceannasaíocht Tacaíochta Cabhlaigh
Tá sé de chúram ar an gCeannasaíocht Tacaíochta Cabhlaigh tacú leis an tSeirbhís Chabhlaigh ar snámh agus i dtír. Tá an tOifigeach i gCeannas ar an gCeannasaíocht Tacaíochta Cabhlaigh (OCNSC), a thuairiscíonn do FOCNS, i gceannas ar na hacmhainní Pearsanra, Loighistice agus Teicniúla sa Bhunáit Chabhlaigh, chun go gcomhlíonfaidh an NS a ghealltanais Oibríochtúla agus Oiliúna.
Coláiste na Seirbhíse Cabhlaigh
Tá an Coláiste Cabhlaigh freagrach as oiliúint a chur ar gach pearsanra sa tSeirbhís Chabhlaigh. Tuairiscíonn an Ceannfort Coláiste Cabhlaigh go díreach chuig FOCNS ar gach ní a bhaineann le hoiliúint na Seirbhíse Cabhlaigh.
