I mBealtaine 2003, bhunaigh UNSCR 1479 misin MINUCI chuig an Chósta Eabhair i ndiaidh do na Náisiún Aontaithe a chinneadh go raibh  slándáil agus síocháin idirnáisiúnta sa réigiún i mbaol de bharr cursaí sa tír. Bhí an misin, ar a raibh comhpháirt mhíleata san áireamh, faoi dhualgas cabhrú le cur i bhfeidhm comhaontú a bhí idir na páirtithe a bhí i gcoimhlint agus cur le hoibríochtaí an fhórsa síochánaíochta sa tír a bhí á sholáthar ag Stáit de chuid na hAfraice Thiar agus na Fraince.

In Aibreán 2004, chinn na Náisiúin Aontaithe go raibh cursaí sa Chósta Eabhair fós ag cur síocháin idirnáisiúnta i mbaol agus i Réiteach 1528 tháinig oibríocht síochánaíochta de chuid na Náisiún Aontaithe in áit an mhisin MINUCI.  Bhí sainordú nua an fhórsa nua mar an sainordú a bhí ag MINUCI ach go raibh sé leathnaithe chun dí-armáil, díshlógadh, athimeascadh, athlonnú agus aisdúichiú, chomh maith le pearsanra de chuid na Náisiún Aontaithe a chosaint, a chur san áireamh.

Tá líon pearsanra míleata de 6,640 lena n-áirítear 200 breathnadóir míleata ag an bhfórsa.  Is mar chuid den ghrúpa breathnadóirí seo atá oifigigh ó Óglaigh na hÉireann fós ar fónamh.

Tabhair cuairt ar shuíomh oifigiúil MINUCI/UNOCI